سبع علامات 7 حاجات لو لقيتيهم في زوجك تأكدي انه مش نرجسي

 

ايه اللي ممكن يحصل لو النرجسي مات؟😳👻

 لما النرجسي يموت ومخه حي جوة مخك النرجسي طول الحياة معاه وهو عامل لك رعب وقلق ،خايفة يزعل خايفة يلوم خايفة يرعب الأولاد

، خايفة يزعق ، بتفضلي تهربي وتمشي على قشر بيض طول العمر وهو مش بيشبع لوم وانتقاد وحصار وتجريح وطلبات وهلكة والعمر بيمر وتلاقي النرجسي كبر ومرض وتلاقي نفسك مسئولة عنه كالعادة كنتي مسئولة عن نفسيته  وعن ابهاجة واسعاده وتهدئته ومراضاته ودلوقتي بقيتي مسئولة عن صحته الجسدية وبقيتي مجبرة تكوني جنبه ٢٤ ساعة وتمرضي وتراعي وتقولي سبحان المعز المذل وتشوفي الجبروت وهو بينهدم والظلم وهو بيتحاسب عليه ادام عينك وعشان انتي شخصية متعاطفة وعشان انتي حد بيخاف ربنا وعشان انتي تحبي اولادك وصعبان عليكي زعلهم على ابوهم وعشان انتي اصيلة وبنت أصول بترعاي النرجسي المريض وهو برضه بيزعل وبيلوم .

اه مش بيزعق لان ربنا كتم صوته واضعفه لكن مازال بسمه مازال بيلومك انه تعبه زاد او انك دخلتيه مستشفى وحش او انك جبتي دكتور مش شاطر ،المهم انه لسة بيلوم ولسة مش راضي ،في النهاية بيموت النرجسي .

بيموت جسدا ولكن أسوأ حاجة بتحصل لزوجة النرجسي في الحالة دي ان أفكاره اللي في دماغها مش بتموت وان افكارها هي كمان بتفضل جواها ، المشكلة ان خوفها منه مش بيموت معاه وقلقها ورعبها من لومه مش بيموت معاه ، دة غير ان مشاعرها وحزنها بيكون مضاعف ودة الشيء العجيب اللي قالوه علماء النفس عن ضحية النرجسي او أي شخصية سامة ، بتكون حزينة بسبب مصيبة الموت ودي فطرة البني ادم وكمان العشرة بيكون لها عامل كبير في الحزن والعشرة اللي هي في علم النفس العادة ، التعود على وجوده في حياتها وفجأة بتفقده والاسوأ انها بتفقده مش بتسيبه فيكون بعد بمزاجها وبإرادتها ، .

وكمان علماء النفس بيقولوا ان الم ضحية النرجسي لما بيموت بيكون الم الفقد ممزوج بالغضب لانها ماخدتش حقها منه وممزوج كمان بالحزن ع اللي هو اخده منها ومن روحها ومن عمرها وفي الاخر اختفى من غير مايعوضها والحزن على ان خلاص مافيه فرصة انه يعوضها ولا انها تاخد حقها منه ماهو خلاص اختفى كل دة بيكون في الأيام الأولى للوفاة احدى الحالات بتقول ان بعد وفاة النرجسي وبعد تجربة مرضه المؤلمة وفي يوم العزاء بتجيها أفكار انه دلوقتي حيلومني ويقول لي انتي دخلتيني مستشفى سيء ، دلوقتي حينده لي ويقول لي انتي بعيد عني ليه وبعدين فجأة ادركت انه مات وبدأت تبكي وطبعا التعود على وجوده جنبها في المرض والضعف خلق عندها تعاطف كان سبب حزنها على موته .

 الحالة بتقول ان الوضع دة استمر معاها حوالي خمس أيام وبعدين بدأت تستوعب انه خلاص مش موجود مفيش لوم ومفيش تقريظ ومفيش انتقاد وبدأت تشعر انها عندها حرية الحركة ولو داخل بيتها واللي كانت محرومة منها على مدار سنين ، وطبعا الحالة كانت في نهاية طريق التعافي عشان كدة المشاعر المعقدة اللي قالوها العلماء مكنتش مسيطرة عليها وكمان القرب من ربنا بيثبت وبيهون ، المهم ان الوضع دة موت النرجسي بالنسبة للحالات اللي مابتكونش تعافت بيكون عصيب عليهم جدا جدا ، وهم بيكونوا في حاجة ماسة للعلاج المعرفي السلوكي لان الصدمة عندهم بتكون مضاعفة زي ماقلنا عايزة أقول لكم ان الطلاق المفاجئ البائن بيكون له تأثير يشبه موت النرجسي لكن مش بيساوية ابدا واللي عايزة أقوله لكم كمان ان النرجسي حيفضل يلومك حتى بعد مايموت الا اذا قطعتي التواصل بين عقلك وعقله.